मध्य भोटेकोशी जलविदतले बैशाख २१ गतेदेखि आयोजना प्रभावित स्थानियलाई आईपीओ निष्काशन गर्ने
मध्य भोटेकोशी जलविद्युत् कम्पनी लिमिटेडले वैशाख २१ गतेदेखि
आयोजना प्रभावित स्थानियका लागि आईपीओ निष्काशन गर्ने भएको छ । कम्पनीले आयोजना
प्रभावित स्थानियका लागि कुल ६० लाख कित्ता शेयर विक्री गर्न लागेको हो ।
कुल कित्तामध्ये सिन्धुपाल्चोक
जिल्लाको भोटेकोशी गाउँपालिका वडा नं (साविक लिस्ती गाविस र मार्मिङ गाविस) १ र ५ , बाहृविसे नगरपालीका वडा नं ५ र
६ (साविक गाती गाविस) तथा बाहृविसे नगरपालीका वडा नं ७ र ८ (साविक घुमथाङ गाविस र
मानेश्वरा गाविस) का वासिन्दाका लागि ३० प्रतिशत दरको १८ लाख कित्ता र माथि
उल्लेखित स्थानिय बाहेक सिन्धुपाल्चोक जिल्लाका अन्य स्थानियका लागि ७० प्रतिशतका
दरले ४२ लाख कित्ता शेयर जारी गर्न लागेको हो ।
उक्त आइपीओ छिटोमा जेठ ४ गते र ढिलोमा
जेठ २० गतेसम्म विक्रीमा रहनेछ । शेयर खरीदका लागि आवेदन दिंदा न्यूनतम १०
कित्तादेखि अधिकतम ४०० कित्तासम्म माग गर्न सकिने व्यवस्था छ । आईपीओ विक्री
प्रबन्धकमा ग्लोबल आइएमई क्यापिटल रहेको छ
