त्रिभुवन विश्वविद्यालयको ४५ दीक्षान्त समारोहको रौनक 

काठमाडौँ — त्रिभुवन विश्वविद्यालयको ४५ औं दीक्षान्त समारोह बिहीबार पुल्चोक इन्जिनियरिङ क्याम्पस प्रांगण ललितपुरमा सम्पन्न भएको छ । ७० हजार ७७ जना विद्यार्थीहरु बिहीबार दीक्षित   भएका छन् । समारोहमा १० हजार १८३ जना विद्यार्थी सहभागी थिए ।कालो गाउन र टोपी लगाएकाहरु सबैको अनुहार चम्किएको थियो । १० हजारको भिडमा उपस्थित विद्यार्थीहरु आफ्नो जीवनको महत्वपूर्ण समयलाई फोटोको रुपमा कैद गर्न उत्सुक देखिन्थे । 

पुल्चोकको ठूलो मैदानको एक छेउमा दीक्षान्त समारोह हुँदै थियो भने अर्को छेउमा फोटो स्टुडियोको लाइन थियो । विद्यार्थीहरु फोटो खिचाउन लाइनमा बस्दै थिए । फोटोग्राफरहरु फोटो खिच्न र फोटो धुलाएर दिन आतुर देखिन्थे । 

source :ekantipur